" انا مش ممكن اقدر اعمل قد اللي انت عملتوا
= ليييه .. ليه متقدرش تعمل اللي انا عملتوا ليييه .. انت عارف قبل ما اوصل للي انا وصلتلوا كنت ايه ؟ كنت صبي صبي في وكاله الحج ابراهيم سردينه الف رحمه ونور عليه صبي كان يوميتي 25 قرش وقبل ما ابقى صبي شوفت الذ.ل والو..يل ..
يا ابني ده انا مرت عليا ايام وليالي اسو..د من قرن الخروب لحد ما ربنا اكرمني فما بالك انت الحمد لله قط.عت مشوار كبير في العلام يعني تقدر تعمل اكتر من اللي انا عملتوا ..
شوف يا ابني الدنيا مبتديش غير للي يقدر ياخد وعاوز ياخد وانا متأكد انك تقدر بس ناقص توري الدنيا انك عاوز تاخد يلا جرب انوي ابتدي وقول بسم الله واسمع يا ابني انا هقولك كلمتين فكر فيهم كويس واوعى تفتكر اني بضغط عليك او بجبرك على حاجه ..
انت يا ابني جربت اللي انت عايزه وموصلتش لحاجه هيجرى ايه لو جربت اللي انا عايزه معايا ها جرب مش هتخسر حاجه معجبش الشغل سيبه رد عليا يا ابني كلامي صح ولا غلط ..ايه سكت ليه مش عايز تشتغل مع ابوك
" ...........................
= يا ابني اللي عملتوا ده كله عشان مين ! ماهو عشانك انت واخواتك بس اخواتك بنات انت الوحيد اللي في ايديك تحافظ على اللي انا عملتوا وتكبروا .. متخلنيش احس ان اللي عملتوا ده كله هيضيع في ثانيه بعد اما اموت .. انت شايف محفوظ سردينه عمل ايه بعد ما ابوه ما ما.ت كبر اسم ابوه وفى نفس الوقت اسمه هو كبر معاه وكمل اللي مقدرش ابوه يكملوا
" كل واحد وليه ظروفه
= يا ابني انت ظروفك احسن منهم كلهم
" بالعكس انا طول عمري وانا ظروفي اقل من ولاد كتير
= ليه يا ابني انا حرمتك من اي حاجه
" حرمتني من اهم حاجه .. حرمتني من حنان الاب عمري ما حسيت اني زي بقيت الولاد .. مفيش مره خدتني في حضنك وطبطبت عليا زي ما بيعمل كل اب مع ابنه حتى في المدرسه كنت حاسس زي ما يكون يتيم ..
مش قادر انسى لما الناظره طردتني من المدرسه وقالتلى مترجعش الا ومعاك ولي امرك ساعتها مفكرتش تروح تشوف ابنك عمل ايه وليه عمل كدا كل اللي عملتوا انك بعت معايا فهيم افندي وكأني شيئ ملوش اي قيمه عشان تضيع من وقتك ساعه ..
لما كنت بتديني المصروف كنت بحس زي ما يكون محروم مقدرش اشتري بيه اي حاجه زي بقيت التلامذه كنت دايما بسأل نفسي انت ليه بتعاملني كدا ! ليه ليييه
" يا ابني اوعى تفتكر ان قلبي كان جامد عليك لاء انا بحبك يلا بحبك بجد ده انت املي اللى كنت بتمناه من الدنيا وعايش عشانه ..
صدقني انا ربيتك بالطريقه دي لأني كنت خايف عليك
" خايف عليا تقوم تحرمني من حق الابن عند ابوه
= صدقني يلا انا كنت خايف عليك بجد انا كنت وحداني زيك وابويا دلعني وحنانه الزياده خسرني ..
متعلمتش وانا صغير واتمرمط وانا شاب عشان كدا لما خلفتك كان كل همي اني اربيك عشان تطلع راجل بحق وحقيقي راجل ميعرفش طعم الدلع لكن يعرف طعم القرش ويعرف ازاي يتعب علشان يجيبه كنت بفكر اني ساعتها اقدر اسيبلك كل حاجه وانا مطمن
" عمر حنان الاب لأبنه ما كان دلع
= جايز انا غلطان وجايز انت كمان تكون فهمتني غلط افتكرت اني مبحبكش .. عبد الوهاب مش هتصدق لو قولتلك اني محبتش حد في الدنيا قد ما حبيتك يلا انت اللي هتبقى حسي في الدنيا اسمك مش هيفارق اسمي وولادك بكره يمدوا في اسمك وفي اسمي .. ياض اسم عبد الغفور البرعي مش هيفضل الا بيك ..
#المسلسل_العظيم_لن_اعيش_في_جلباب_ابي للجميل المبدع #نور_الشريف والنجم الرائع #محمد_رياض
